Gwamnatin yahudawan sahyoniya ta shirya fage da za ta fuskanci azabtarwa mai tsanani
Kamfanin dillancin labaran iqna ya habarta cewa, ya nakalto daga shafin sadarwa na yanar gizo na ofishin Jagoran juyin juya halin Musulunci Ayatullah Sayyid Ali Khamenei cewa, bayan shahadar babban mujahidi, Isma’il Haniyyah shugaban ofishin siyasa na kungiyar Hamas, jagoran juyin juya halin Musulunci Ayatullah Khamenei ya aike da sako.
A sakon ta'aziyya ga al'ummar musulmi da kuma gwagwarmaya da al'ummar Palastinu, ya jaddada cewa: Da wannan mataki ne gwamnatin sahyoniyawan mai laifi ta shirya wa kanta hukunci mai tsauri, kuma muna dauka a matsayin hakkinmu na neman fansar jinin wannan babban shahidi wanda ya yi shahada a yankin Jamhuriyar Musulunci ta Iran.
Nassin sakon Jagoran juyin juya halin Musulunci shi ne kamar haka;
Da Sunan Allah Mai Rahma Mai Jin Kai
Mu ga Allah mke kuma mu gare shi za mu koma
Ya ku al'ummar Iran!
Jarumi kuma fitaccen jagoran mujahidan Falasdinu, Isma'il Haniyeh, ya koma ga Allah ne a daren jiya, inda ya jajanta ma babbar kungiyar gwagwarmaya kan aikin Gwamnatin sahyoniya mai laifi da ta'addanci ta yi sanadin shahadar babban bakonmu a cikin gidanmu tare da sanya mu cikin bakin ciki, amma kuma ta shirya wa kanta hukunci mai tsanani.
Shahid Haniyyah ya dauki rayuwarsa mai daraja tsawon shekaru a fagen yaki mai daraja kuma ya shirya ya yi shahada ya sadaukar da ‘ya’yansa da iyalansa ta wannan hanyar. Ba ya tsoron zama shahidi a tafarkin Allah da kubutar da bayin Allah, amma muna ganin hakkinmu ne mu nemi daukar fansa kan jininsa a cikin wannan lamari mai daci da tsanani da ya faru a yankin Jamhuriyar Musulunci.
Ina mika ta'aziyyata ga al'ummar musulmi, ga bangaren gwagwarmaya, al'ummar Palastinu masu jaruntaka abin alfahari, musamman ma iyalai da dangin Shahid Haniyyah, da daya abokin tafiyarsa da suka yi shahada tare da shi, ina kuma yi musu addu'ar Allah ya daukaka matsayinsu a wajensa.
Sayyid Ali Khamenei
31 Yuli 2024
